Showing posts with label communist. Show all posts
Showing posts with label communist. Show all posts
Wednesday, April 2, 2008
കണ്ണൂരിലെ കപട അന്വേഷണങ്ങളും കോടതി ഇടപെടലും
കണ്ണൂരിലെ കൊലപാതക പരമ്പരകളിലെ കുറ്റവാളികളെ പിടിക്കാനുള്ള പോലീസിന്റെ കഴിവില്ലായ്മയെ കോടതി പല പ്രാവശ്യം വിമര്ശിച്ചു കഴിഞ്ഞു . ഒരു കൊലപാതകത്തിലും അത് ആസൂത്രണം ചെയ്ത നേതാക്കന്മാരെ ആരെയും അറസ്റ്റ് ചെയ്തിട്ടില്ല. സ്ഥിരം കുറ്റവാളികള് ആരുടെയെങ്കിലും പുറത്ത് പാര്ട്ടിക്കാര് കൂലിക്ക് കുറ്റം കെട്ടി എല്പ്പിക്കുകയാണ് ഇപ്പോള് നടക്കുന്നത്. കുറ്റവാളികളെ പിടിക്കാനുള്ള സ്വാതന്ത്ര്യം പോലീസിന് ഇപ്പോള് ഇല്ല. പാര്ട്ടി ആഫീസില് നിന്നും നല്കുന്ന ലിസ്റ്റില് ഉള്ളവരെ പിടി കൂടാന് മാത്രമേ ഇപ്പോള് പോലീസിനു അധികാരം ഉള്ളൂ. അത് മനസ്സിലാക്കിയിട്ട് ആണ് കോടതി ഇപ്പോള് സി. ബി. ഐ. യ്ക്ക് അന്വേഷണം വിട്ടേക്കുമെന്ന് സൂചിപ്പിക്കുന്നത്. ഇതിനെതിരെ കോടതിയുടെ അതിരു കടക്കുന്നു എന്നൊക്കെ പറഞ്ഞു ഇനിയുള്ള ദിവസങ്ങളില് സഖാക്കളുടെ പ്രസ്താവനകള് കാണും.
Sunday, March 16, 2008
റ്റിബെറ്റും ഡാര്ഫൂറും മ്യാന്മാറും ഗള്ഫും പിന്നെ കുറച്ചെണ്ണയും!
ഇവ തമ്മില് എന്ത് ബന്ധം ആണുള്ളത്? ചൈന റ്റിബെറ്റില് ബുദ്ധ ഭിക്ഷുക്കളെയും സ്വാതന്ത്ര സമരക്കാരെയും അടിച്ചൊതുക്കുന്നു. ഡാര്ഫൂറില് അവിടുത്തെ ഭരണാധികാരികളുടെ മൗന സമ്മതത്തോടെ ജന്ജവീഡുകള് നടത്തുന്ന ആക്രമണത്തില് ലക്ഷങ്ങള് ഇതിനകം മരിച്ചു കഴിഞ്ഞു . അവിടുത്തെ ഭരണാധികാരികള്ക്ക് ആയുധം വില്ക്കുന്നത് ചൈന ആണ്. അവിടുന്ന് കിട്ടുന്ന പെട്രോളിനായി ചൈന ഈ മനുഷ്യ കുരുതിക്ക് നേരെ കണ്ണടക്കുകയാണ്. അതെ പോലെ തന്നെ ഇന്ത്യയും മ്യാന്മാറില് ആംഗ് സാന് സൂചിയുടെ നേതൃത്വത്തില് നടക്കുന്ന സ്വാതന്ത്ര്യ സമരത്തെ അടിച്ചൊതുക്കുന്ന പട്ടാള നേതൃത്വത്തിന് നേരെ അവിടെ നിന്നും കിട്ടുന്ന പെട്രോളിനായി കണ്ണടക്കുകയാണ്. പെട്രോളിനായി അമേരിക്ക ഗള്ഫ് രാജ്യങ്ങളിലെ രാജ ഭരണങ്ങളെ പിന്തുണക്കുന്നത് പോലെ തന്നെ അവസരവാദപരമായ ഒരു നിലപാട് ആണിത്. എണ്ണയ്ക്ക് വേണ്ടി എന്ത് തോന്ന്യവാസവും കണ്ണടക്കും എന്ന നിലപാട് ആണീ രാജ്യങ്ങളെല്ലാം എടുക്കുന്നത്. ഇതില് നമ്മുടെ കമ്മ്യൂണിസ്റ്റ് പാര്ട്ടികള് കാണുന്നത് അമേരിക്കയുടെ ഭാഗം മാത്രമേ ഉള്ളൂ. അമേരിക്ക കാണുന്നത് ചൈനയുടെ ഭാഗം മാത്രവും. ഇന്ത്യാ സര്ക്കാര് ആകട്ടെ ഇതൊന്നും കാണുന്നുമില്ല.
Labels:
capitalist,
communist,
Darfur,
democracy,
Gulf countries,
Myanmar,
Petrol,
Tibet
Subscribe to:
Posts (Atom)

