Showing posts with label Tibet. Show all posts
Showing posts with label Tibet. Show all posts

Saturday, April 5, 2008

മധുര മനോഹര മനോജ്ഞ ചൈന!!

ഇന്നലത്തെ മാതൃഭൂമിയില്‍ പി. ഗോവിന്ദപ്പിള്ളയുടെ വക ഒരു ലേഖനം ഉണ്ടായിരുന്നു. ചൈന ടിബറ്റില്‍ ചെയ്യുന്ന അതിക്രമങ്ങളെ ന്യായീകരിച്ചു കൊണ്ട് ഒരു ലേഖനം. അരുണാചല്‍ പ്രദേശില്‍ ചൈന അതിക്രമിച്ചു കയറിയതിനെ കുറിച്ച് ഒരക്ഷരം മിണ്ടാത്ത സഖാവ്‌ ഇപ്പോള്‍ ചൈനയെ ന്യായീകരിക്കാന്‍ ഇത്രയും വെമ്പല്‍ കൊള്ളുന്നത് കണ്ട് നാമെന്ത് പറയാന്‍ അല്ലേ? ഇനി ചൈന അരുണാചല്‍ പ്രദേശ് കുറച്ചു കൂടി എങ്ങാനും കയ്യേറിയാല്‍ അന്നതിനെ ന്യായീകരിച്ചും സഖാവ്‌ എഴുതിയേക്കാം!! ബാല്ലറ്റ് പേപ്പറില്‍ കൂടി ഇവിടെ വിപ്ലവം വരാത്തത് കൊണ്ട് ഇനി സഖാക്കളുടെ ഒരേ പ്രതീക്ഷ ചൈനയിലാണെന്നു തോന്നുന്നു!!! 1962ലെപ്പോലെ ചൈന ഇന്ത്യയെ ആക്രമിച്ചാലും സഖാവ്‌ അതിന് എന്തെങ്കിലും ന്യായീകരണം കണ്ടെത്തുമായിരിക്കും!! അത് മാത്രമേ ഇന്ത്യന്‍ കമ്മ്യൂണിസ്റ്റ് പാര്ട്ടികള്‍ ഇപ്പോള്‍ വിപ്ലവം വരാന്‍ ഒരു മാര്‍ഗം ആയി കാണുന്നുള്ളൂ!!

Saturday, March 22, 2008

ടിബറ്റ് മാത്രം ചൈനയുടെ ആഭ്യന്തര കാര്യം!!

എ ബി ബര്‍ധന്റെ വക ഒരു പ്രസ്താവന ഇന്നുണ്ടായിരുന്നു. ടിബറ്റ് ചൈനയുടെ ആഭ്യന്തര കാര്യമാണെന്ന്!!! സൂര്യന്റെ കീഴില്‍ ഉള്ള എല്ലാ കാര്യത്തെയും കുറിച്ച് അഭിപ്രായം പറയുന്ന സഖാവിനു ചൈനയുടെ കാര്യത്തില്‍ മാത്രം ഒരു നിക്ഷിപ്ത താത്പര്യം ഉണ്ടെന്നു തോന്നുന്നു.

Sunday, March 16, 2008

റ്റിബെറ്റും ഡാര്‍ഫൂറും മ്യാന്മാറും ഗള്‍ഫും പിന്നെ കുറച്ചെണ്ണയും!

ഇവ തമ്മില്‍ എന്ത് ബന്ധം ആണുള്ളത്? ചൈന റ്റിബെറ്റില്‍ ബുദ്ധ ഭിക്ഷുക്കളെയും സ്വാതന്ത്ര സമരക്കാരെയും അടിച്ചൊതുക്കുന്നു. ഡാര്‍ഫൂറില് അവിടുത്തെ ഭരണാധികാരികളുടെ മൗന സമ്മതത്തോടെ ജന്‍ജവീഡുകള് നടത്തുന്ന ആക്രമണത്തില്‍ ലക്ഷങ്ങള്‍ ഇതിനകം മരിച്ചു കഴിഞ്ഞു . അവിടുത്തെ ഭരണാധികാരികള്‍ക്ക് ആയുധം വില്‍ക്കുന്നത് ചൈന ആണ്. അവിടുന്ന് കിട്ടുന്ന പെട്രോളിനായി ചൈന ഈ മനുഷ്യ കുരുതിക്ക് നേരെ കണ്ണടക്കുകയാണ്. അതെ പോലെ തന്നെ ഇന്ത്യയും മ്യാന്മാറില്‍ ആംഗ് സാന്‍ സൂചിയുടെ നേതൃത്വത്തില്‍ നടക്കുന്ന സ്വാതന്ത്ര്യ സമരത്തെ അടിച്ചൊതുക്കുന്ന പട്ടാള നേതൃത്വത്തിന് നേരെ അവിടെ നിന്നും കിട്ടുന്ന പെട്രോളിനായി കണ്ണടക്കുകയാണ്. പെട്രോളിനായി അമേരിക്ക ഗള്‍ഫ് രാജ്യങ്ങളിലെ രാജ ഭരണങ്ങളെ പിന്തുണക്കുന്നത് പോലെ തന്നെ അവസരവാദപരമായ ഒരു നിലപാട് ആണിത്. എണ്ണയ്ക്ക് വേണ്ടി എന്ത് തോന്ന്യവാസവും കണ്ണടക്കും എന്ന നിലപാട് ആണീ രാജ്യങ്ങളെല്ലാം എടുക്കുന്നത്. ഇതില്‍ നമ്മുടെ കമ്മ്യൂണിസ്റ്റ് പാര്‍ട്ടികള്‍ കാണുന്നത് അമേരിക്കയുടെ ഭാഗം മാത്രമേ ഉള്ളൂ. അമേരിക്ക കാണുന്നത് ചൈനയുടെ ഭാഗം മാത്രവും. ഇന്ത്യാ സര്‍ക്കാര്‍ ആകട്ടെ ഇതൊന്നും കാണുന്നുമില്ല.